НОВИ САД – На соботу, 31. октобра, будзе отримана Ноц хорох, а у Церкви св. апостолох Петра и Павла на 19 годзин будзе шпивац Хор „Гармония”. Задумане же на соботу наступя хори у штирох храмох, кажди у своєй церкви зоз духовнима писнями, зоз преносом наживо прейґ интернету – з нашей церкви, реформатскей, православней церкви и зоз Синаґоґи.
Ґенерална проба у Церкви св. апостолох Петра и Павла будзе нєшка на 19 годзин.
Иншак, 31. октобра дзень св. Луки, дзень Реформациї (подїї зоз XVI вику) и дзень св. Петра Цетиньского, та ше тому датуму сце дац позитивне духовне и християнске значенє.
Орґанизатор „Ноци хорох” здруженє HBO COLOR MEDIA EVENTS, у сотруднїцтве з компанию Color Media Communications и з финансийну потримовку Городскей управи за културу Городу Нови Сад и Покраїнского секретарияту за културу, информованє и одношеня з вирскима заєднїцами, по углядзе на Фестивал „Lange Nacht der Kirchen” з Бечу.