ЖАБЕЛЬ – Штредком тижня у Управи за капитални укладаня АПВ подписани контракти за безповратни средства котри з буджета по явним конкурсу за финансованє и суфинансованє проєктох у обласци транспортней инфраструктури, обезпечованє и защити води опредзелєни 994 247 тисячи динари.
Контракти подписали Боян Пайтич, предсидатель Влади Войводини и представителє 21 општини дзе буду реализовани проєкти. Медзи нїма бул и Чедомир Божич, предсидатель Општини Жабель, котри подписал контракт о предлуженю роботох на вибудови канализациї у Жаблю, за цо достати 201 милион динари з обласци защити водох. По планох и проєктох, тота канализация ма буц повязана з канализацию у Дюрдьове, хтору тиж треба вибудовац.