РУСКИ КЕРЕСТУР – Нєшка у гали у Руским Керестуре будзе одбавени медзинародни квалификацийни турнир у малим фодбалу „Русин куп” котри ше уж други рок отримує у Руским Керестуре, а финалне змаганє будзе одбавене у Словацкей.
На турнир ше приявели 8 екипи и то: ТЙ „Дуява Чмелова” зоз Словацкей, екипа РТВ Войводина, „Керестурски бетяре”, КУД „Петро Кузмяк”, НК „Русин” зоз Миклошевцох, „Браца Русини”, СБ „Яша Баков”и „Югославянски медведзи”.
Турнир у Руским Керестуре остатнї квалификацийни турнир, а окрем у Руским Керестуре, квалификацийни турнири одбавени ище у Братислави, Старей Любовнї, Свиднїку и Михаловцох.
Перши три екипи ше пласую на закончуюци турнир котри ше того року одбави у Бардейове 2. марца.
Турнир почина на 10 годзин, а уход до гали будзе шлєбодни, та поволани шицки же би пришли патриц интересантни фодбалски змаганя.