НОВИ САД – У Новим Садзе отримана перша явна розправа о Нарису закона о задруґох, хтори будзе реґуловац правни рамики за функционованє задруґох.
Помоцнїца министра привреди Катарина Обрадович-Йованович гварела же з тим законом будзе ришене преводзенє дружтвеней власносци у задруґох до других формох власносци, а ґу тому, пробує ше поєдноставиц снованє и роботу задруґох. На тот способ ше пробує и ожиц задруґарство, додала Йовановичова.
Як наявене, остатня явна розправа о Нарису закона о задруґох будзе 22. септембра у Беоґрадзе, а пред посланїками у Народней Скупштини Предлог закона найвироятнєйше будзе початком октобра, наявела Йовановичова.