ВЕРБАС – У сали за схадзки Скупштини општини Вербас у Вербаше штварток, 10. фебруара, отримана XIV схадзку локалного парламенту.
Опрез одборнїкох Скупштини општини Вербас нашол ше дньови шор зоз трома точками за розпатранє. Найважнєйша з нїх ше одношела на Предклад одлуки о розришеню и менованю членох и заменїкох членох Општинскей виберанковей комисиї Општини Вербас у стаємним составе. То представя законску обовязку єдинкох локалней самоуправи понеже 8. фебруара ступел на моц нови Закон о локалних виберанкох, з чого виходзи же городи и општини длужни меновац нових членох своїх виберанкових комисийох.
Зоз 25 гласами усвоєни предклад и вименєни состав Општинскей виберанковей комисиї, до чийого составу вошли и члени предложени з боку одборнїцких ґрупох у локалним парламенту.
После вибераня Општинскей виберанковей комсиї и трецей точки дньового шору котра ше одношела на питаня и предклади, XIV схадзку локалного парламенту закончена.
