БЕОҐРАД – Скупштина Сербиї прилапела вименки Закона о акцизох, по хторих ше од 1. авґуста на електричну енерґию уводзи акцизу од 7,5 одсто. Як потолковал министер финансийох Душан Вуйович, главни резултати того поцагу буду звекшанє приходу у буджету, приблїжованє ценох струї ґу ценом жемох у реґиону, та поступне ускладзованє з акцизну политику у Европскей униї.
Акциза на електричну енерґию рочнє обезпечи звекшанє порцийних приходох за 17 милиярди динари. Як пише Танюґ, з вименками Закона уведзена и акциза на бездимови доган, та чечносц за полнєнє електричних циґаретлох, а хтора будзе виношиц штири динари по милилитру.
На зашеданю Скупштини посланїки опозициї критиковали тоти ришеня и твердзели же то лєм нови трошки за гражданох, а владаюца коалиция наглашовала же то социялно одвичательни приступ Влади Сербиї.