РУСКИ КЕРЕСТУР – На 75-рочнїцу ошлєбодзеня Руского Керестура у Другей шветовей войни, на памятнїк погинутим борцом у центру валала положени венєц як здогадованє на учашнїкох и погинутих борцох.
Як визначел предсидатель Месного одбору Здруженя борцох народноошлєбодительней войни у Руским Керестуре Дюра Папуґа, у Другей шветовей войни участвовали тристо седемдзешат штирме валалчанє, од котрих пейдзешацецерме погинули.
Тиж так, треба визначиц же вецей як сто учашнїкох з Руского Керестура участвовали у гражданских зраженьох од 1991-1999. рок, дзе троме вояци погинули.
З покладаньом квеца на памятнїк гражданє Керестура указали чесц шицким людзом хтори ше борели за шлєбоду хтору треба и надалєй чувац, потолковал Папуґа.
Присутни на концу заключели же би ше свидомосц о значносци участвованя наших гражднох у Другей шветовей войни у борби процив фашизма вецей преношела на нови ґенерациї.
После покладаня венца на Памятнїк погинутих борцох евоцирали здогадованя на ошлєбодзенє Керестура у просторийох Рускей матки.
