Олени Папуґовей награда Здруженя Чарногорцох „Крсташ”

автор я. дюранїн
1.6k Опатрене

ЛОВЧЕНАЦ – Здруженє Чарногорцох Сербиї „Крсташ” додзелєло рочну награду свойого Здруженя Олени Папуґовей, посланїци Лиґи социялдемократох Войводини у Народней скупштини Републики Сербиї.

Награда ноши мено „Най будзе вична Чарна Гора – Милорад Мидо Вуйошевич”, а додзелює ше ю як найвисше припознанє Здруженя за доприношенє у очуваню чарногорского националного идентитету. Як Здруженє обгрунтовало у сообщеню, у 2019. року народна посланїца Олена  Папуґова же на вецей заводи закладала при руководству Општини Вербас, Министерству державней управи и локалней самоуправи и при предсидательки Влади Републики Сербиї Ани Брнабич, як и з посланїцкима питанями у Народней скупштини, же би ше почитовало закон и уведло чарногорски язик до службеного хаснованя у Општини Вербас.

Тота награда Папуґовей будзе придата нєшка на шветочней схадзки у Ловченцу.

ПОВЯЗАНИ ТЕКСТИ