Орґанизована гуманитарна акция у хторей мож превжац мебель

автор а. медєши
584 Опатрене

РУСКИ КЕРЕСТУР – Месни одбор Сербскей напредней странки Руски Керестур у сотруднїцтве зоз Месну заєднїцу, тих дньох зорґанизовал гуманитарну акцию у хторей ше гражданом у потреби будзе донирoвац мебель.

Половни, алє очувани – кавчи, фотелї, карсцелї, столи, орманчики и подобне, буду виложени у импровизованим салону у просториї хтора припада Месней заєднїци, а находзи ше у Спортскей гали. Мебель можу донирац керестурски тапетаре як и шицки други гражданє, а превжац може кажде хто ше находзи у чежкей материялней ситуациї.

Секретар Месней заєднїци Михайло Пашо за Рутенпрес гварел и же два особи, по принципу комисиї, преверя обисце поєдинцох хтори зосцу превжац половни мебель, а з цильом же би ше тоту гуманитарну акцию нє злохасновало.

Кажде хто жада подаровац або превжац мебель, може ше явиц до Месней заєднїци, а акция будзе тирвац и надалєй.

ПОВЯЗАНИ ТЕКСТИ