Порушана гуманитарна акция за вибудов хижи пейцчленей фамелиї Джамбас зоз Дюрдьова

808 Опатрене

ДЮРДЬОВ – Самохрани оцец Ненад Джамбас зоз Дюрдьова жиє зоз двома синами, од 8 и 6 роки, и мацеру у старей дослуженей хижочки без купатила. Кеди и як почали їх бриґи, члени фамелиї Джамбас нє знаю точно одвитовац, алє гваря же ше ситуация барз погоршала кед Ненада зохабела жена. Шицки штверо шпя у єдней хижи, на двох кавчох.

Нажаль, и старши и младши син маю проблеми зоз диханьом. Старши син ма ларинґитис, а младши ма астму, та ше медзи бависками у хижи можу видзиц и пумпочка и инхалатор.

Ненад ма и оца хтори чува салаш за плацу и помага им кельо може, бо вельо пенєжи дава на лїки.

За случай тей фамелиї ше чуло кед их нащивела Гуманитарна орґанизация „Put, istina, život”. Од теди велї помогли же би ше живот тей фамелиї голєм дакус злєпшал. Ненад достал роботу, а тераз порушена гуманитарна акция же би ше тей пейцчленей фамелиї направело нову хижу. Акцию порушали Райко Станкович и Мирко Тривунович, зоз своїма фирмами „Чакара промет” и „Фасада”, фамелиями и приятелями.

Шицки котри сцу помогнуц можу ше явиц на числа телефона 063/562966 (Райко) и 064/3487216 (Мирко).

ПОВЯЗАНИ ТЕКСТИ