СРИМСКА МИТРОВИЦА – З нагоди 8. марца, школяре хтори у Сримскей Митровици виучую руски язик з елементами националней култури, зоз свою професорку руского язика Монику Абодї Митрович всоботу, 7. марца, пририхтали пригодну школску програму.
Програма отримана у Основней школи „Йован Попович” у Сримскей Митровици, а присуствовали на нєй дирекор Школи, родичи дзецох, представителє Дружтва за руски язик, литературу и културу з Нового Саду и єй Секциї у Митровици, як и представителє нашей церкви у тим городзе.
