КОЦУР – На 31. Турийскей колбасияди, хтора отримана прешлого викенду, коцурске подприємство за преробок меса д.о.о. „Супермикс плус” освоєло першу награду за найлєпшу стародавну домашню колбасу. То треци раз же „Супермикс” на тей манифестациї достал першу награду за свою колбасу.
Як за Рутенпрес виявел директор подприємства Янко Русковски, гоч ше квалитет їх колбасох нє пременєл, заш лєм нє обчековал же три роки за шором достаню тоту награду цо, вшелїяк, значне припознанє за фирму.
Хаснуюци младе швиньске месо и природни домашнї присмачки, схопни руки „Супермиксових” майстрох и того року указали же ше у Коцуре прави найлєпшу стародавну колбасу.