ШАБАЦ – Нєшка и на ютре, 26 и 27. новембра, у орґанизациї Мисиї ОЕБС-у у Сербиї будзе отримана роботна схадзка представительох националних совитох националних меншинох о политики родней ровноправносци у роботи националних совитох националних меншинох.
Спред Националного совиту Руснацох на схадзки будзе присуствовац членїца Совиту и його Вивершного одбору Наташа Макаї-Мудрох, котра представи и звит о витворйованю активносцох предвидзених з имплементацийним планом явного заступаня за родну ровноправносц.