Того року у Войводини зазначени рост индустрийней продукциї

автор сен
771 Опатрене

НОВИ САД – У периодзе януар-май 2015. року у Войводини зазначени рост у индустрийней продукциї од дзевец одсто, насампредз у обласци поживовей продукциї, гварене на схадзки Покраїнского социялно-економского совиту, на хторей представени статистични податки Привредней комори Войводини о актуалних привредних рушаньох. Кед слово о актуалних роботох, жатва указала же квалитет жита на добрим уровню, цо превозидзе менєй пошати поверхносци под житом як влонї, визначене на схадзки.

Прешлорочни и тогорочни статистични податки указую же привреда у Автономней покраїни Войводини (АПВ) стабилна, гварел покраїнски секретар за привреду, обезпечованє роботи и ровноправносц полох Мирослав Васин. Бешедуюци о положеню малих и штреднїх подприємствох и їх фискалних обтерхованьох, вон визначел же Покраїна прейґ рижних конкурсох и поривох предлужи потримовац тоти подприємства.

Вигодни привредни рушаня зазначени и у обласцох увозу, вивозу, продуктней индустриї и польопривреди, медзитим, Васин критиковал же позитивни дїлованя у Войводини нє адекватно прилапени на републичним уровню, а хиби и комуникация медзи покраїнску и републичну власцу кед ше одлучує о значних питаньох за Войводину.

ПОВЯЗАНИ ТЕКСТИ