БАЧИНЦИ – Компания „Елит Срим”, власнїка Деяна Лямковича з Беоґраду, почала вибудов хладзальнї у Бачинцох, а у планє и вибудов поґону за конзервованє поживи.
Инвестиция вредна 1,2 милиони еври, а на початок з ню буду обезпечени 10 роботни места. Док прероби и погон за конзервованє, роботу достаню 25 до 30 роботнїки.
Як гварел, Лямкович ше за Бачинци опредзелєл пре квалификовану роботну моц и добри транспортни вязи, алє и прето же локална самоуправа швидко обезпечела потребни дозволи.
Будовалїще новей фабрики тих дньох нащивели и предсидатель Општини Шид Никола Васич и предсидатель Скупштини општини Шид др Бранислав Маукович.