НОВИ САД – Нови Сад у остатнїх 72 годзинох нє мал анї єден нови случай инфицированя з коронавирусом, а кажди дзень ше, по словох городоначалнїка Милоша Вучевича, тестира медзи 200 и 300 особи, преноши сайт Радио-телевизиї Войводини.
Вучевич наглашел же у прешлих седем дньох зробени коло 1300 тестираня и же було лєм штири заражени особи.
Вон гварел же ситуация нє драматична, алє же нє мож повесц же нє маме вирус, та гражданє муша и далєй почитовац мири.
Живот у Новим Садузе враца ше до нормалного цеку, почали робиц дзецински заградки, предлужене пребуванє у школох, явни транспорт, отворени кафичи и ресторани.