БЕОҐРАД – Влада Сербиї нєшка принєше одлуку же би шедзиско Електропривреди Сербиї (ЕПС) було у Новим Садзе, наявел премиєр Александар Вучич, преноши Бета.
После писма хторе премиєрови послал лидер Лиґи социялдемократох Войводини (ЛСВ) Ненад Чанак, у хторим вон апеловал же би ше Електровойводину нє припаяло ґу Електросербиї, односно же би ше ю нє гашело, Александар Вучич ше вчера стретнул з Чанком и бешедовали о унапредзованю дїлованя у обласци дистрибуциї струї.
Вучич гварел же шедзиско системи дистрибуциї ЕПС будзе у Новим Садзе и наявел нови инвестициї. Додал же тота одлука Влади укаже же шицко єдно чи ше дацо находзи у Беоґрадзе, Новим Садзе, чи Нишу, прето же шицки часци Сербиї єднаки.
Чанак гварел же тота одлука вецей од того цо обчековал, та же будзе барз добра за Войводину.