ЗОМБОР – Школяре штвартей класи Основней школи „Петро Кузмяк”, вєдно зоз свою учительку Наду Колошняї, вочи законченю школского рока були на мини екскурзиї у Зомборе, дзе першенствено нащивели продукцийни погон млєкарнї Сомболед доо, а потим обишли и знаменїтосци Городу Зомбора.
Керестурски школяре мали нагоду розпатриц найинтересантнєйши часточки продукцийного процесу, потим ше почасцели зоз продуктами, а достали и символични дарунки од управи компаниї.
Потим нащивели Городску хижу, центер Зомбора и його знаменїтосци, а екскурзию закончели зоз розвагу у городским дзецинским парку.