НОВИ САД/ДЮРДЬОВ – Согласно предходней догварки посцигнутей на лемковских фестивалох у Польскей и України, Шпивацка ґрупа „Млада Лемковщина” наступи за крачунски швета и у Сербиї.
Инициятиву дали члени Роботного цела за медзинародни одношеня и традицию Националного совиту, КУД „Тарас Шевченко” з Дюрдьова и Союз Руснацох Українцох Сербиї.
Шпивацка ґрупа составена зоз особох з Польскей, України и Словацкей, а наступя з нїма и Дюрдьовчанє.
На соботу, 28. децембра, наступя у церкви св. апостолох Петра и Павла у Новим Садзе на 18 годзин, дзе буду шпивац русински/лемковски/українски коляди.
На нєдзелю, 29. децембра пополадню, вони буду пририхтовац традицийни русински/лемковски єдла з їх крайох, а у просторийох КУД „Тарас Шевченко” у Дюрдьове . После того буду обиходзиц обисца по Дюрдьове, винчовац Крачун и шпивац коляди. Провадзиц их будзе екипа Рускей редакциї РТВ.