РУСКИ КЕРЕСТУР – После длугшого часу у Керестуре през викенд падал векши диждж, вноци зоз соботи на нєдзелю и внєдзелю вечар на даскельо заводи и барз вельки, так же вода прелївала ярки, а местами, дзе ярки забити, и тераз стої у яркох и на каледрми.
Як гваря фаховци, за тоти два днї спадло коло 67 литри по квадратним метеру, цо вецей як половка цалосних паданьох у маю, понеже у тим мешацу дотераз нападало коло 110 литри.
Понеже длуго було сухо, диждж добре пришол шицким шацом на полю, а нє застарал барз анї паприґарох, з оглядом же векшина паприґи пресадзена.