БЕОҐРАД – Аґенция за енерґетику Сербиї (АЕРС) сообщела же найменши трошки у сезони зогриваня буду мац гражданє котри буду хасновац древо, цо их будзе коштац коло 35 000 динари, док найдрагше прейду гевти котри ше зогриваю на олєй за зогриванє, за цо у сезони потребне коло 150 000 динари, преноши Бета.
Ґаздовства хтори ше зогриваю на струю за єдну сезону годни потрошиц аж 121 000 динари. Коло 56 000 динари за сезону буду плациц ґаздовства хтори ше зогриваю на пелет, як и гевти хтори буду хасновац драгше древо.
Туньши вариянти зогриваня то ґаз и углє – природни ґаз кошта коло 49 000 динари за сезону, а углє од 46 000 до 51 000. Зогриванє з ТА пецами може буц туньше кед ше хаснує туню ноцну струю, цо будзе коштац коло 45 000 динари.