МИКЛОШЕВЦИ – Фодбалски клуб „Русин” зоз Руского Керестура у циклусу пририхтуюцих стретнуцох, всоботу, 25. юлия, после 40 роки госцовал у Миклошевцох у Републики Горватскей, дзе одбавели друге пририхтуюце стретнуце, а домашнї миклошевски НК „Русин” победзел зоз резултатом 3:2.
На госцованє до Миклошевцох екипа керестурского Русина одпутовала у подмладзеним составе, а водзел ю помоцни тренер Михайло Хома.
За екипу Русина на стретнуцу бавели: Александар Драґутинович, Лука Фа, Владимир Кочиш, Стефан Тома (c), Виктор Надь, Боян Голик, Алекса Сопка, Давид Джуня, Теодор Штранґар, Иван Планчак и Андрей Чизмар.
На лавочки були: Даниел Надь, Марко Колошняї, Деян Павлович, Марко Драґутинович и Иґор Маньош.
Екипу водзел Михайло Хома.
Шлїдуюце пририхтуюце стретнуце Русин будзе бавиц на нєдзелю, 2. авґуста у Руским Керестуре, процив екипи ФК Сутєска зоз Бачкого Доброго Поля.
