13. ОКТОБЕР – На нєшкайши дзень народзена наставнїца и просвитни роботнїк Мария Чакан.
1860 – Направена перша фотоґрафия зоз воздуху зоз балона над Бостоном у ЗАД.
1884 – Ґринич прилапени як универзални, нулти, меридиян, од хторого ше рахую ґеоґрафски длужини и часово зони на Жеми.
1921 – Народзел ше ґлумец и шпивач Иво Ливи, познати як Ив Монтан (Монсимано Терме, Тоскана, 13. октобер 1921 – Париз, 9. новембер 1991).
1923 – Турски парламент преглашел Анкару, бувшу Анґору, за престолнїцу.
1925 – Народзела ше Марґарет Гилда Робертс, позната як Марґарет Тачер (Ґрантам, 13. октобер 1925 – Лондон, 8. април 2013), була британска политичарка, 1979. року постала перша жена-премиєрка у историї Зєдинєго Кральовства, позната як Челїчна Лейди (Iron Lady), дала задзекованє 1990. року.
1933 – Народзела ше наставнїца и просвитни роботнїк Мария Чакан, дзивоцке Рамач (Руски Керестур, 13. октобер 1933 – Руски Керестур, 29. юлий 2026). Oснoвну шкoлу и нїзшу ґимназию закoнчела у Руским Керестуре 1947. року, а учительску шкoлу у Субoтици 1951. Два рoки рoбела у oснoвней шкoли у Керестуре, а вец закoнчела Висшу педаґoґийну шкoлу, Ґрупа за сербскoгoрватски язик з русийским язикoм, у Нoвим Садзе 1955. рoку. И як наставнїца у oснoвней шкoли у Керестуре преподавала руски и сербски язик, як нємацерински. Зоз фамелию ше преселєла до Нового Саду и робела у Педаґоґийним заводзе за проблеми настави на руским язику, потим у Заводу за учебнїки у рускей редакциї, одкаль пошла и до пензиї 1983. року. Участвовала у тимох на виробку читанкох. Була єдна з сновательох Дружтва за руски язик и литературу 1970. року у Новим Садзе, була и член роботних целох за отверанє Ґимназиї у Руским Керестуре 1970. року. Остатнї роки жила у Руским Керестуре. Мария Чакан похована на теметове у Новим Садзе, 29. юлия 2026. року.
1997 – Британски суперсонични автомобил перши на жеми пребил звучни мур, понеже розвил швидкосц од 1.222,7 километри на годзину.
2001 – Ґенерални секретар Зєдинєних нацийох Кофи Анан достал Нобелову награду за мир.