ЗОМБОР – Столнотениски клуб „Русин” одбавел всоботу, 10. октобра, у Зомборе, процив екипи СТК „Раванґрад” треце коло у Войводянскей А лиґи и зазначел цесне пораженє, а конєчни резултат бул 4:3 у партийох.
За екипу СТК „Русин” на тим першенственим стретнуцу бавели: Михайло Сабадош, Матей Сабадош и Мариян Ковачевич.
1. Ґоран Опачич – Михайло Сабадош – 3:0;
2. Слободан Балович – Матей Сабадош – 2:3;
3. Драґан Мандич – Мариян Ковачевич – 3:0;
4. Балович/ Мандич – Сабадош/ Сабадош – 1:3;
5. Ґоран Опачич – Матей Сабадош – 0:3;
6. Драґан Мандич – Михайло Сабадош – 3:2;
7. Слободан Балович – Мариян Ковачевич – 3:0.
Екипа Раванґраду зоз Зомбора победзела у вкупним резултату 4:3 у партийох.
У шлїдуюцим, 4. колу у Войводянскей А лиґи СТК „Русин” будзе бавиц на нєдзелю, 1. новембра, у Спортскей гали у Руским Керестуре, процив екипи СТК „Партизан” зоз Шиду.