ДЮРДЬОВ – У 8. колу єшеньскей часци першенства Пeршей новосадскей лиґи, внєдзелю, 11. октобра на стадиону Фодбалского клубу „Бачка 1923” одбавене стретнуце медзи домашню екипу и фодбалерами зоз ФК „Цемент” зоз Беочину.
Стренуце закончене зоз пияту побиду за шором дюрдьовскей Бачки. Ґоли за дюрдьовску Бачку дали Стефан Максимович у 27. минути, зоз корнеру, Стефан Деянович у 62. минути и нови бавяч Милош Пиньо у 81. минути.
Жовти картон достали Стефан Максимович у 45+1 минути и Желько Тривунович (капитен) у 53. минути.
ФК „Бачка 1923” (Дюрдьов) – ФК „Цемент” (Беочин) – 3:2 (0:1)
Стретнуце почало по дижджу, медзитим, дзекуюци доброму отримованю терена и дренажи, фодбалером нє барз завадзало же терен бул мокри.
Шлїдуюце стретнуце дюрдьовски фодбалере одбавя на стадиону у Нови Садзе на нєдзелю, 17. октобра на 15 годзин зоз РФК „Нови Сад 2025” котри на дзевятим месце на таблїчки и ма 11 боди, од того три побиди и два страцени стретнуца.
