НОВИ САД – У 9. колу Подручней фодбалскей лиґи Нови Сад, хторе одбавене 12. октобра у Новим Садзе, фодбалере ФК ,,Бачка 1923” зоз Дюрдьова страцели у стретнуцу зоз фодбалерами ФК ,,Борац”, зоз резултатом 4:1.
Ґол за Бачку посцигнул Деян Тривунович у трицец пиятей минути.
Домашня екипа посцигла ґоли у 19, 25, 44. и у трецей минути судийского надополнєня.
Жовти картон у екипи Бачки достал Ратко Чирин, а червени достали Стефан Деянович и Драґан Тривунович.
После того кола Бачка на єденастим месце на таблїчки зоз осем бодами. У шлїдуюцим колу фодбалере дюрдьовскей Бачки на домашнїм терену ше стретню зоз фодбалерами Фодбалского клубу ,,Футоґ” зоз Футоґу.