ДЮРДЬОВ – На чесц славянским просвитительом святим апостолом Кирилови и Мефтодийови, на нєдзелю 22. юния у дюрдьовскей грекокатолїцкей церкви, после Вечурнї, котра на 18 годзин, будзе святочна програма.
У програми о апостолох Кирилови и Мефтодийови и їх значеню за церковнославянску писменосц будзе бешедовац проф. др Михайло Фейса. Участвовац буду и два дюрдьовски шпивацки ґрупи, Дзивоцка шпивацка ґрупа Културно-уметнїцкого дружтва Тарас Шевченко и Шпивацка ґрупа православней церкви.