ДЮРДЬОВ – У просторийох Културно-уметнїцкого дружтва „Тарас Шевченко”, всоботу 29. марца, млади зоз Дружтва орґанизовали тематску журку „Семафор парти”.
Зоз свою интересантну концепцию журка прицагла младих зоз вецей местох – Нового Саду, Жаблю, Ковилю, Темерину и Дюрдьова.
Длужей як мешац тирвало рихтанє и обдумованє того вечара. Понеже роками орґанизую таки змисти, а и збуваня на рижни теми, у тих просторийох, орґанизаторе уж искусни, та прето кажда подїя вше лєпше обдумана и вше є нащивенша.
За добру атмосферу на тим вечаре бул задлужени ди-джей Декс.
