КАТЬ – У 16. колу Подручней фодбалскей лиґи Нови Сад, хторе одбавене 9. марца у Катю, фодбалере ФК „Бачка 1923” зоз Дюрдьова бавели нєришено зоз фодбалерами ОФК „Юґович”, а резултат на концу стретнуца бул 1:1.
Ґол за Бачку посцигнул Милан Роґич у трицец трецей минути. Жовти картон у екипи Бачкей достали Желько Тривунович, Драґан Тривунович и Предраґ Маркович. Опомнуце достал и тренер Бачки Александар Ґостоїч.
Домашя екипа посцигла ґол у 6. минути судийского надополнєня.
После того стретнуца Бачка на дзешатим месце на таблїчки зоз седемнац бодами. У шлїдуюцим колу дюрдьовски фодбалере на домашнїм терену дочекаю ФК „Индекс” зоз Нового Саду.