СРИМСКА КАМЕНЇЦА – У 15. колу Подручней фодбалскей лиґи Нови Сад, хторе одбавене 1. децембра у Сримскей Каменїци, фодбалере ФК „Бачка 1923” зоз Дюрдьова страцели од фодбалерох ФК „Фрушкогорец”, зоз резултатом 3:0.
Домашня екипа посцигла ґоли у 11, 71. и 79. минути.
На тим стретнуцу, судия додзелєл шейсц жовти картони, по три за кажду екипу, a у екипи Бачки опомнути зоз жовтим картоном були Деян Тривунович, Стефан Тривунович и Душан Чеґар.
Полусезону дюрдьовска Бачка закончела на дзевятим месце на таблїчки зоз шеснац бодами, цо найслабши резултат за остатнї даскельо роки. Тераз фодбалерох обчекує крадка павза, а потим пририхтованя за наиходзацу ярню часц сезони.