ДЮРДЬОВ – У Основней школи „Йован Йованович Змай” у Дюрдьове вчера, 14. юния шейдзешат єден мали матурант означел конєц свойого осемрочного школованя.
У школским дворе було орґанизоване шветочне додзельованє припознаньох и дипломох. Тройо школяре достали Вукову диплому за посцигнути резултати на рижних змаганьох, и одлични успих у своїм школованю, а то Ивана Пеїч, Стефан Дицков и Невена Тривунович. За школяра ґенерациї преглашена Невена Тривунович.
