БАЧКИ ПЕТРОВЕЦ – Новинско-видавательна установа „Глас люду” на словацким язику означи Дзень установи нєшка, штварток, 19. октобра, на 11 годзин.
З тей нагоди орґанизує ше панел дискусию „Медиї националних меншинох у диґиталним швеце – виволаня и ришеня” у хторей буду бешедовац и представнїки медийох националних меншинох „Руске слово”, „Мадяр со”, „Либертатеа”, „Хрватска риєч”, „Глас люду”.
У дискусиї спред НВУ „Руске слово” участвовац будзе директор др Борис Варґа.
Означованє Дня „Глас люду” будзе у просторийох Установи, Улїца XIV. ВУСБ 4–6 у Бачким Петровцу.