РУСКИ КЕРЕСТУР – У вчерайшей нєпогоди провадзеней зоз моцним дижджом, витром и каменцом, а хтора залапела цали Заходно-бачки округ, направена велька материялна чкода и у Руским Керестуре.
У позних пополадньових годзинох Керестур залапела моцна буря провадзена зоз каменцом велькосци тениских лабдочкох, яки валалчанє нє паметаю.
По нєурядових информацийох, у кулским хотаре з векшей часци на кукурици и слунечнїку остали лєм сами палїчки, а нє вельо лєпше прешли анї други польопривредни култури.
Окрем на полю, вчерайши каменєц чкоди направел и на велїх хижох по валалє, на хторих найвецей страдали черепи, облаки, фасада, ролетни, а очкодовани и велї моторни превозки.
Як локални медиї пренєсли, вчера виштрелєне рекордне число ракетох процив каменцу, хтори нажаль, нє дали резултату.
