КОЦУР – Каритасова гуманитарна акция у Коцуре наволана „Дунц-шпайз” и того року почала у новембру, а хто жада помогнуц, ище може участвовац.
Спомнута гуманитарна акция облапя зберанє помоци за людзох у потреби. Помогнуц мож зоз дарованьом поживи и стварох котри мож найсц у шпайзу, як и средствох за гиґиєну, облєчива, а тиж и з добродзечним прилогом. Назберана помоц будзе унапрямена худобним коцурскей парохиї.
Шицки гражданє добрей дзеки свой дар можу принєсц до Каритасових просторийох каждого штвартку, од 10 по 12 годзин.
Орґанизатор тей акциї Парохийни Каритас „Марийов дом” Коцур.