КОЦУР – Пондзелок, 18. мая, у Доме култури у Коцуре отримана порядна схадзка членох Управного одбору КУД „Жатва”. То перша схадзка котра у подполносци пошвецена орґанизациї традицийней манифестациї зоз фестивалом фолклору Руснацох „Коцурска жатва”.
На схадзки оформени орґанизацийни одбор манифестациї хтори творя шицки члени Управого одбору „Жатви”, а хтори будзе дополнєни зоз членами других коцурских орґанизацийох котри жедаю участвовац у єй орґанизациї. Направени и концепт хтори може буц преширени зоз точками хтори понукню и други орґанизациї.
Одлучене же Манифестация „Коцурска жатва” будзе отримана 10. и 11. юлия, а програма будзе подзелєна на фестивалску и ревиялну часц. У фестивалскей буду участвовац учашнїки зоз наших руских местох, а у ревиялней часци наступя госцуюци фолклорни ансамбли. Манифестация будзе збогацена зоз численима провадзацима змистами.
На схадзки було бешеди и о одходзе до иножемства на Свиднїцки фестивал котри будзе отримани од 19. по 21. юний и о способе на котри ше реализує тото медзинародне сотруднїцтво.