НОВИ САД – Найпопуларнєйша и найчитанша руска кнїжка, Руски християнски календар, хтора у континуитету виходзи од 1921. року, тих дньох вишла з друку.
Руски християнски календар за 2026. рок обявени у сотруднїцтве НВУ Руске слово и Християнского часописа Дзвони.
Руски християнски календар за 2026. рок кошта 500 динари, а мож го купиц у представительствох НВУ Руске слово – у Новим Садзе на адреси Футожска 2, ІІІ поверх (од 9 по 14 годзин, телефон 021/6613-697); у Руским Керестуре у будинку дакедишнєй Друкарнї на II поверху (од 9 по 14 годзин, телефон 025/51-00-383 або 025/703-311).
Календар мож купиц и при колпортерох Руского слова –у Руским Керестуре то Ксения Орос, у Коцуре Милка Фейса, у Вербаше Мирон Няради, у Дюрдьове Звонко Салаґ, у Сриме (Шид, Бикич, Беркасово, Бачинци) Владимир Гарвилчак, а у Новим Орахове Владимир Маґоч. Тиж, нови Календар мож купиц и на Парохиї у Руским Керестуре.