11. АВҐУСТ – На нєшкайши дзень патентoвaна система комуникациї зоз хторей вельо познєйше настали Wi-Fi и Блутут технолоґиї.
1492 – Отримана Перша конклава у Сикстинскей капели на хторей Родриґо Борджия вибрани за папу Александра VI.
1858 – Народзени лїкар Кристиян Айкман (Нийкерк, Голандия, 11. авґуст 1858 – Утрехт, Голандия, 5. новембер 1930) бул и професор физиолоґиї, у роботи указал на причини хороти бери-бери. Вєдно зоз сер Фредериком Хопкинсом достал Нобелову награду за физиолоґию – медицину 1929. року за одкрице витамина Бе1.
1934 – На острове у залїву Сан Франциска отворени гарешт Алкатраз. Познати є по леґенди же отамаль нїхто нє може сцекнуц. Зазначене же 34 гарештанци пробовали сцекнуц, алє нє зазначене же ше им и удало. Гарешт престал робиц 1966. року, бо заключене же є барз драги за отримованє. Стина, як го волали, бул часто тема голивудских филмох.
1942 – Ґлумица Хеди Ламар и композитор Джордж Антал достали официйни патент за систему тайомней комуникациї хтора могла меняц фреквенциї, познейше тот пренаходок похасновани за розвой Wi-Fi и Блутут технолоґиї.
1999 – Подполне зацменє слунка залапело часци Европи, Блїзкого Востоку и Азиї. Могло ше го провадзиц и зоз наших просторох, та и зоз Нового Саду.
2021 – У городзе Сиракуза на Сицилиї зазначене 48,8°Ц, цо потвердзела Шветова метеоролоґийна орґанизация (WMO).
Нєшка Шветови дзень гип-гопу, означує ше як здогадованє кед 1973. року Ди-джей Кул Герц (DJ Kool Herc) на журки у Бронксу почал предлужовац инструментални паузи на плочох и прейґ нїх приповедац.