13. ЮНИЙ – На нєшкайши дзень перше лєтадло вишло звонка Слунковей системи.
1876 – Сербске учене дружтво за першу жену академика вибрало малярку Катарину Иванович.
1983 – Америцка вселенска ладя Пионир 10 прешла през орбиту Нептуна. То було перше лєтадло зоз Жеми хторе вишло звонка Слунковей системи.
1967 – Народзела ше Славка Сабадош (Кула, 13. юний 1967 – Нови Сад, 31. май 2004). У Руским Керестуре закончела основну и стредню школу културно-просвитного напряму. Дипломовала на Педаґоґийней академиї у Зомборе и здобула фахову назву наставнїка класней настави. Робела у Новим Садзе у настави, тримала годзини руского язика як виборного предмету з елементами националней култури (у 7 основних школох, матична школа єй була ОШ Доситей Обрадович). Орґанизовала и звонканаставни активносци же би укапчовала дзеци до културних програмох у Новим Садзе. Була активни член Дружтва за руски язик, литературу и културу, витирвало робела у Активе наставнїкох руского язика и єдна спомедзи сновательох Стретнуца руских школох. На чесц єй просвитней роботи Дружтво од 2005. року школяром хтори посцигую замерковани резултати у обласци руского язика додзелює припознанє зоз єй меном. Славка Сабадош похована 2. юния 2004. року у Руским Керестуре.
2006 – Першираз у Беоґрадзе у Центре Сава госцовал филгармонийски оркестер миланскей Скали.