КУЛА – У Кули будзе отворени перши „Енерґетски инфо центер” хтори будзе помагац гражданом же би ше лєпше информовали о енерґетскей ефикасносци, преноша локални медиї.
Ґу тому, гражданє ше годни информовац и о мирох хтори годно превжац же би ше цо менєй трошело енерґию, як и о рижних субвенцийох хтори понука держава.
Пред отвераньом того центру, а хторе плановане за октобер, орґанизована едукация за представнїкох општини и управнїка будинку о механїзмох и способох функционованя „Енерґетского инфо центру” хтора им будзе на хасен у будуцей роботи зоз гражданами док ше центер отвори.
Задаток того центру же би ше медзи гражданами зменшало енерґетске худобство хторе настава пре вельке трошенє енерґиї и же би ше обезпечело цо векши комфор зоз цо нїзшима трошками.
Центер потримани з боку проєкту „Лєпша енерґия” Америцкей аґенциї за медзинародни розвой (УСАИД) и општини Кула.