РУСКИ КЕРЕСТУР – Матуранти ґимназиї Штреднєй школи „Петро Кузмяк” вчера закончели наставу. Остатнї наставни дзень по розпорядку Министерства просвити бул у шицких ґимназийох у Сербиї, а матурантох надалєй чека покладанє матурских испитох.
Наявйована державна матура одложена до дальшого, алє останє покладанє пробней державней матури за терашнїх школярох трецей класи ґимназиї котра и у керестурскей школи будзе 31. мая, а испит ше будзе покладац лєм зоз єдного предмету т.є. зоз сербского односно мацеринского язика.