РУСКИ КЕРЕСТУР – Основна и штредня школа зоз домом школярох „Петро Кузмяк” нєшка и на ютре означи свой дзень, котри пада 25. мая.
З тей нагоди нєшка, 24. мая по скрацених годзинох на 10 годзин у школским голу будзе орґанизовани Саям науки и Саям туризму, на хтори поволани шицки наставнїки и школяре. Од 11 годзин у кабинету ч. 8 будзе округли стол на тему Инициятива за диґиталну безпечносц за заитересованих наставнїкох.
На ютре, 25. мая керестурска школа будзе домашня Републичному змаганю зоз руского язика и язичней култури, а у його рамикох на 12:30 годзин домашнї пририхтали промоцию проєкту Руски язик у швеце технолоґиї.