РУСКИ КЕРЕСТУР – Матуранти Штреднєй школи зоз домом школярох „Петро Кузмяк” котрих вєдно єст 51, нєшка отримаю свой матурски вечар у Кули, а кед хвиля допущи пред тим на 17:30 ше зиду у школи и прешейтаю по центру валала.
Пондзелок 30. мая наставу закончели 20 матуранти туристично-готелиєрского технїчара хторим од пондзелку 6. юния починаю матурски испити.
Матурски испити 29. мая почали за ґимназиялцох матурантох, котрих єст 9 у руским и 22 у сербским оддзелєню.
Матурски испити буду тирвац по 12. юний, а вец шлїдзи шветочне додзельованє дипломох школяром котри успишнє закончели штиророчни штреднї ступень образованя у Школи „Петро Кузмяк”.