РУСКИ КЕРЕСТУР – Нєшка на швето Преношеня мощох св. Миколая, 9. мая, у керестурскей парохиї ше означує храмове швето – Кирбай.
Служби Божо буду як на швето, на 8 годзин и нa 10 годзин архиєрейска Служба Божа.
Вашарска часц отримує ше на старей локациї у Русинскей улїци.
За преславу Месна заєднїца Руски Керестур анґажовала живу музику, та у вечарших годзинох, у дискотеки „Амадеусˮ наступи Алексей Сивч зоз його бендом, а уход будзе шлєбодни.
За орґанизованє преслави анґажоване и професийне обезпеченє и патрола полицийней станїци, а Явне комуналне подприємство „Руском”, за тоту нагоду ушорело желєни поверхносци.
Орґанизацию преслави помогла Општина Кула.