НОВИ САД – У рамикох 33. Днї Миколи М. Кочиша на соботу, 16. децембра на 12 годзин у Заводу за културу войводянских Руснацох (Матици сербскей 15) у Новим Садзе, будзе литературне стретнуце.
На стретнуцу будзе слова о нових учебнїкох за виборну наставу з елементами националней култури, о хторих буду бешедовац авторки Оля Яковлєв и Ана-Мария Рац. Стихи и тексти руских писательох зоз учебнїкох буду читац школяре новосадских основних и штреднїх школох.