ДЮРДЬОВ – У 8. колу Подручней фодбалскей лиґи Нови Сад, хторе одбавене 6. октобра у Дюрдьове, фодбалере ФК ,,Бачка 1923” зоз Дюрдьова победзели у стретнуцу зоз фодбалерами ФК ,,Омладинац” зоз Степановичева, зоз резултатом 2:0.
Ґоли за Бачку посцигли Янко Вуйович у пейдзешат дзевятей минути и Миладин Срданов у шейдзешат пиятей минути. Жовти картони достали Стефан Деянович, Янко Вуйович и Миладин Срданов.
На тим стретнуцу, судия додзелєл пейц жовти картони – три достала Бачка, а два Омладинац.
После того кола Бачка ше попендрала на єденасте место на таблїчки зоз осем бодами. У шлїдуюцим колу фодбалере дюрдьовского клубу ше стретню зоз фодбалерами Фодбалского клубу ,,Борац” зоз Нового Саду.
