НОВИ САД – У Конкатедралней церкви святих апостолох Петра и Павла вчера, 14. авґуста означене нєзаповедане швето старозавитних Маковейских мученїкох – Маковея.
Службу Божу служел о. Дарко Рац, хтори у казанї здогаднул вирних прецо ше праве на тото швето швеци воду, а апостол читал и дзияковал Йовґен Надь.
Ґаздинї до церкви принєсли води, хтора пошвецена по Служби Божей. Пошвецена вода ше ноши дому и хаснує за рижни потреби души и цела.
