СРИМСКА МИТРОВИЦА – Пред шветочну преславу Националного швета Руснацох у церкви благодарну архиєрейску службу Божу у церкви Вознесения Господнього служел преосвящени владика кир Георгий Джуджар зоз сримским бискупом монсиньором Фабияном Свалина, домашнїм парохом о. Иґором Вовком, парохом зоз Бачинцох мр. о. Дарком Рацом, парохом шидянским о. Михайлом Режаком, парохом зоз Бикичу о. Владимиром Еделонскийом Миколком.



На служби були присутни державни секретар Министерства култури и информованя Лав Ґеорґия Пайкич и совитнїва у спомнутим министерстве Нермина Ахметович, члени Националного совиту Руснацох и його предсидатель Йоаким Рац.
Преосвящени владика кир Георгий Джуджар у казанї визначел же кажде нашо националне швето и 17. януар, то обнова нашей духовней и националней припадносци.
