КУЛА – На площи опрез главней Пошти, внєдзелю, 8. марца Здруженє гражданох „Глас младих општини Кула” орґанизовало трибину под назву „Револуция, а нє уценьованє”.
На трибини представена лїстина „Глас младих општини Кула”, хтора будзе участвовац на Општинских виберанкох под числом 3, а бешеднїци були ношителька лїстини и наставнїца у основней школи у Сивцу Светлана Майски, студентка зоз Кули, а тиж и кандидатка на лїстини Лїляна Кнежевич и позарядова професорка хтора на Филозофским факултету у Новим Садзе достала одказ Єлена Клеут.
З оглядом же трибина орґанизована на Дзень женох, млади присутним женом дзелєли били ружи. Трибину обезпечовала полиция, а инциденти нє було.
