ДЮРДЬОВ – Фодбалски клуб „Бачка 1923” зоз Дюрдьова и того року орґанизовал Мемориялни турнир за Мариа, хтори отримани од 30. авґуста по 1. септембер на Бачковим фодбалским терену. Катеґориї хтори участвовали на турниру 2011/2012/2013/2014/2015/2016.
Першого дня турнира змагали ше катеґориї 2012. и 2014.
У першей катеґориї було дзешец екипи, а у катеґориї 2014 були приявени осем екипи. Найлєпша у катеґориї 2012 екипа ФК Борац зоз Шайкашу, вицешампион була екипа ФК ЖСК зоз жаблю, а треце место завжала екипа ФК Вошини клинци з Нового Саду.
У катеґориї 2014 перше место завжала екипа ФК Соккер з Нового Саду, друге место завжала екипа ФК Єдинство зоз Ґосподїнцох, а треце место завжала домашня екипа ФК Бачка.
Другого дня свойо схопносци на терену указали катеґориї дзецох 2013. и 2015. У першей катеґориї, змагали ше осем екипи, а найлєпши були фодбалере домашнього клубу ФК Бачка. Друге место завжала екипа ФК Примера з Нового Саду, а треце место завжала екипа ФК Сириґ зоз Сириґу.
У катеґориї 2015 змагали ше осем екипи. Перше место завжала екипа ФК Борац зоз Шайкашу, друге место завжала екипа ФК Сириґ зоз Сириґу, а треце место завжала домашня екипа.
Остатнього дня турнира змагали ше катеґориї 2011 и 2016. У катеґориї 2011, найлєпша екипа була екипа ФК Оне тиме зоз Темерину. Друге место завжала екипа ФК Вошини клинци з Нового Саду, а треце место завжала екипа Болесников.
Од осем екипи у катеґориї 2016, найлєпши були зоз Бечею, за нїма екипа зоз Србобрану, а треце место завжала екипа ФК Соккер з Нового Саду.
