ДЮРДЬОВ – У 5. колу Подручней фодбалскей лиґи Нови Сад, хторе одбавене 15. септембра у Дюрдьове, фодбалере ФК „Бачка 1923” зоз Дюрдьова победзели у стретнуцу зоз фодбалерами ФК ЖСК, зоз резултатом 2:1.
Ґоли за Бачку посцигли Стефан Деянович у двацец шестей минути и Деян Тривунович у осемдзешат трецей минути. Госци посцигли ґол у петнастей минути. Жовти картон у екипи Бачки достали Деян Станкович, Деян Тривунович и Стефан Деянович.
После того кола Бачка на єденастим месце на таблїчки, зоз штирома бодами.
У шлїдуюцим колу будзе други општински дерби, а Дюрдьовчанє буду бавиц у Ґосподнїнцох зоз фодбалерами ФК „Єдинство”.
